Saturday, February 03, 2007

誰想做好呢份工?















「我會做好呢份工!」

如果我有一個像中央一樣愛錫煲呔、不會只顧挑剔不懂欣賞的大老闆,可能‧‧‧只是可能,我都會考慮在大庭廣眾公開肉麻宣言。好在,還沒有遇上這樣的上司,以免金口一開令其他人急急噴飯,亦逃過被怒掟蕃茄雞蛋的悲愴下場。

還是做老闆好。不用受氣,又可隨心所欲。酷愛自由的人馬座許二小姐終於一圓素願開鋪做老闆。放工後若不用上課,不是趕著前往買貨就是趕到小鋪頭點貨埋數,看似簡單自在,卻又非常令人疲憊。


擔心沒錢賺更加是千斤壓力,每天算著今天有多少生意?哪些貨熱賣?哪些貨滯銷?每個問號都事關重大。開鋪之初業績未見理想,又要想想如何變陣救亡;生意穩定一點又要想想如何維持免被淘汰,少一點心力也不行。

自少對數字白痴,計算時間不時攤出一對手數了又數。加上未夠EQ做出一個有耐性兼口甜舌滑的推銷員,相信一生都逃不出幫人打工的厄運。上天如果可憐我,或者憐憫經常要看大小姐面色的上司們,不如讓我快快中六合彩,讓我一世無憂,免我再在打工界「害人」,哈哈。

3 comments:

Anonymous said...

只顧挑剔、不懂欣賞,用呢八個字形容,真係好精確。你右手邊果個,係咪應該更有感覺呢?

「我要做好呢份工」,從老闆的角度,呢個係做工的基本條件,正如你有獨家,老細唔會加人工,但你獨甩一單就好大鑊。

做老闆不比打工仔好,一將功成萬骨枯,成功創業幾希。你個妹自僱還好,如果請左員工,仲要憂埋員工生計,唔係人人都有創業命。

相對容易都係,將錢畀識得搵錢的公司,去幫你錢搵錢,即係投資買股票也。唔好意思,又要同你「傳教」。

無聊同事

Anonymous said...

你唔駛同我傳教,發左達關照一下我呢個黑臉同事就ok。

Anonymous said...

姐姐,我地既機會黎喇~~
嘿嘿~~~
""下期攪珠期數 : 07/016 新春金多寶
攪珠日期 : 06/02/2007 (星期二)
截止售票時間 : 晚上 9:15
投注額 : $20,098,210
多寶 / 金多寶 : $38,000,000
估計頭獎基金 : $60,000,000 ""