Friday, January 11, 2008

我想要健康

實不相暪,去年暗地許下的生日願望,是希望所有病人、特別是癌症病人都平安無恙,健康快樂。

許願過後,竟然到自己惡運降臨,除了肌肉勞損引發的發炎病痛,年尾慘受腸胃抽筋的折磨,每一天都在痛,最嚴重痛至流淚,整晚要用暖水袋暖著胃才能入睡。我以為,看過幾次西醫、中醫、推拿兼入院清腸再兼且做了身體檢查,以後就可以平安渡過。可惜,故事不可以這麼簡單就完結。

近日胃痛再次轉趨嚴重,上班時情況尤甚,幾乎沒有一餐是在不抽筋的情況下完成。背肌痛症又再「嚟料」,打字的時候最最辛苦;那些消炎藥,就只令腐爛的胃痛上加痛。醫生最終只能轉介我看物理治療,治癒已經壞了的筋骨與肌肉。換言之,又是漫長的治療過程。

明明,我記得,自己都是個健康的人,怎麼今天,好像變了病拐?有人說我因此瘦了,是意外收獲;如果可以,我寧願要回可以吃雪榚飲咖啡食刺生與麻辣火鍋的日子。這一陣子,我不覺得是生活,只像行屍走肉,為了聲稱會健康點的規條委曲求全。

好累了。連醫生都看厭了。幾時才可以盡情的大吃大喝,幾時才可以無痛無恙?

人生,實在有太多莫名其妙的痛。還是不應將新生命帶到這個世界來。
ps:就是去年與波比共同慶生辰時,許下以上願望。物似主人型。幸好波比除了有一點正常的老人病,還是健健康康肥肥白白,不像主人般五勞七傷。

14 comments:

Anonymous said...

我今年既新年願望就係祝你早日康復~~

Anonymous said...

同埋身體健康~

Anonymous said...

保重

Anonymous said...

不要灰心喎,積極啲,我都周身病痛,頸痛到要戴頸(cool)的日子都唔少,過一排就會好,會好架:)

不過,hee....今日我都病咗喎。

你同事

Anonymous said...

祝早日康復,脫離病魔。
Ryan

葉七城 said...





Kakeung said...

好好保重身體!

ss_ter said...

係呢 究竟係幾時開始身體變差...平日要對自己好一點,健康真係好重要。保重 ~~

Anonymous said...

真係感同身受
我盤骨醫左好耐
但係始終唔會斷尾
間中都依然酸軟無力
濕疹醫了十幾年
依然斷斷續續咁出
睇中醫時戒口
戒到差點抑鬱
呢兩個月唔戒口無食中藥
又復發
我都唔想理住
奉勸唔好戒得太清
否則你會覺得每天在受苦
而且心理狀態都好影響病治療進度
嘗試樂觀一點,多看一點開心好笑的書或戲
病都會好得快d

名副其實
同病相憐mei

Anonymous said...

許小姐,或許上天想你更珍惜你的健康,才給考驗, 看你努力戒口, 連你平日鍾情的咖啡也可以忍著不喝, 我相信你一定早日康復, 我想為了健康, 我也不能太多辣嘢, 為了健康, 一起努力.

車人

Anonymous said...

姐姐,
小心保重身體!上年s 小姐send 咗你呢个blog 俾我,一直都有跟進你既近況﹐今次終於忍唔住好想留个言俾你, 祝早日康復!估唔到姐姐都同我一樣受肌肉勞損既折磨﹐仲要咁啱都有胃病,但我情況無你咁嚴重!我估你需要放大假好好休息!身體壞咗, 冇人幫到你架!記住要錫自己多d 呀!

大小姐 said...

正如上文所說,身體正在復元中。明天要去針炙,少少驚架,多謝大家關心,希望大家都安好。

ps:sze sze,s小姐係咪孫梅?

Anonymous said...

你好!我是生技公司的研發人員,附上我的部落格網址,我會不定時發表一些健康相關資訊,http://hsinhsiaochen.spaces.live.com/



我建議你先做好腸胃的保健,因為吃的健康,排泄也正常,人就會健康!有其他問題的話~我們可以互相討論!

Anonymous said...

係呀!因為佢滿心歡喜咁話我知你地聚過舊﹐仲上埋你個blog!嘻嘻!姐姐﹐你還記得我嗎?