Thursday, March 20, 2008

與拉薩無緣


原訂五月中到西藏的旅程泡湯了,就在拉薩封城前一天決定,注定是天時、地利與人和都未能配合。下一年,仍然以西藏為目標,希望青藏高原會等待我們,在未來一年盡量保持原有風味,不致再被過度的旅遊發展大煞風景。

從來旅遊,都以「不發達」為首選。愈remote的地方、愈奇突的行程就愈有趣味,可惜願意隨行的人總是不多,遠不及去日本瘋狂購物時的一呼百應。這些年來都未去過日本,就是怕那種遊畢回來要一拖二抽「戰利品」的狼狽相。

雖然某些地方例如北海道,都可以是清靜的休閒處,但不知何解聽到日本兩字就怕怕。我不是那種日本一天不為侵華道歉、一天不到日本旅行的「愛國」份子,只是一想到新宿那些奇裝異服的潮人就毛管桐。

不能到西藏,暫且改到雲南。希望順利成行。熱切期待五月來臨。

7 comments:

2047 said...

竟然不為日本所動,很神奇。

Anonymous said...

喂,許小姐,我本來都想在五月去TIBET架!!!激氣,五月係咪真係去唔到呀??

車人

Anonymous said...

其實我都唔明何解身邊很多人將旅遊等同購物
S花原本會在七月去西藏,宜家唔知仲去唔去
若果佢都唔去,或者,我地出年在西藏見面

Mei

Anonymous said...

日本真係得架!好多好野睇,報返隊日本毅行者玩下啦!

西藏都好多人去架,要去奇特地方,咁就要揀非洲、中東同南美啦!!!

半個地球外

Anonymous said...

就咁,日本唔係淨係買野,上野國立博物館,我舊年去有個達文西展覽,重有真蹟睇:再之前一年,就係同德國柏林美術館搞聯展;同樣係舊年,又係上野,國立西洋美術館,有俄國當代油畫展,香港一定冇得睇!千零日圓就可以睇一日!

重有東京近郊,有好多清酒莊,搭幾個鐘JR,去到郊外,係個山谷有個急流,沿路又寺廟,又有酒莊,又係幾百日圓,飲到我想死!幾乎唔識路行翻出山!就算係市區,一樣有間啤酒博物館,有晒釀酒過程,又係比幾百日圓試飲,結果我下晝就醉左!

重有橫濱有個海上自衛隊展館,有北韓間碟船展出!日本,唔一定要去shop!

探員

Anonymous said...

更正:搞聯展果年,係柏林歴史博物館!

探員

大小姐 said...

探員,好極都唔駛每年去一次而且唔知係咪每次都去同一處掛???

前同事:如果我好似你咁無家庭等負擔,我一定周圍去架....

mei、車人:係咪出年去架?可以夾埋我d朋友度度喎。

ryan:我反而唔係好明點解個個女仔都要被視為要為日本癲狂.