Monday, August 02, 2010

我的為食女麻女麻

女麻女麻又入院,原先是因為跌倒而有輕微骨折,最後卻是因為血糖過高而要長期留院觀察。

一切都是貪吃惹的禍。今天到醫院探她,劈頭第一句是問:可唔可以買啲零食畀我?兩女麻孫一擔擔,我怎會不明白她禁食之苦?但這一次必須硬起心腸,否則也是害了她。

我在回答一句「唔得」時,她像小孩般扁一扁嘴,然後笑笑說:都唔係肚餓既,口痕啫!我懷疑她誤以為施展這種軟功,或會換到一兩粒糖或餅乾,可惜我不為所動,強裝嚴厲施下馬威說:唔肚餓就唔好為食;你出左院都要忍口,唔可以再買香蕉呀,提子呀,蕃薯呀...


以她一貫態度,應該即時高聲抗議,但卻出乎意料地異常順攤,回應說:唏,我以後都唔會食香蕉喇...我心中正在為此答案暗自高興,自覺旗開得勝,成功令她屈服,誰不知過了幾秒她就說:我食大蕉咪得囉,無咁甜,又細隻啲。唉,真的拿她沒法!

最怕她日後為免被揭發偷食,會將「違禁品」收藏在家中每一角落;例如,椅墊下的蕃薯,與床頭櫃內的麵飽。你們能想像到,情況有多恐怖?由於已經發生過,絕對不是杞人憂天!

PS:以後連生日蛋糕,她都只可以有限度享用了~

3 comments:

Anonymous said...

我亞媽都係咁
血壓高又有糖尿
唔食血壓藥又唔食中藥
佢中風我唔知點算

mei

wing said...

o下? 連香蕉和提子都是違禁品.真o係無o左好多生活情趣.

大小姐 said...

mei,我地搵左個專人照顧麻麻,希望可以看實佢唔好偷食.

wing,係呀,呢兩樣仲係頭號敵人,所以一定格殺勿論架.