Wednesday, August 11, 2010

一句「唔好意思」

今天做了一件「好事」。

早早訂了20日早上10時半飛北京的機票,連同機場稅與保險費都買了。今天取票卻發現,怎麼航班起飛時間是12時45分而非10時半?向代辦機票的旅行社職員查詢,她堅稱沒有錯,一直是訂這班機。

其實我有99.9%肯定她是搞錯了,但由於其時沒有單據在手,口同鼻拗盞嘥氣,結果回家一看,發現我的記憶力仍然穩妥,沒有未老先衰,即時帶著怒意,連同早前的單據副本傳真至旅行社,要求女職員更正。

兩小時後收到回覆,電話中的她不停說「唔好意思」;問她為何會這樣,到底是在哪個程序出錯,她都是先說「唔好意思」,其後再答「係我搞錯」。我最關心的能否修訂乘搭班次問題,結果當然是不能,因為已經沒有座位,其後她又多次抱歉的說,希望我與同行旅人說聲不好意思。

收到她的回覆時,確實有些氣;起飛遲了兩小時,等同少了一個下午。但最終竟然沒有將一腔怒氣發洩在她身上,只是失望說了句「算了吧」就掛線,連極有機會出自我口的一句「以後做嘢小心啲啦」都欠奉。

原本可以將事件搞大,因為確實是對方搞錯;若非有心儀航班機位,也未必落實買票。但真的需要因為兩小時延誤,令人有飯碗不保的危機嗎?大家都不過是個小小的打工仔而矣。而且她致歉態度非常誠懇。看來我都是個「受軟唔受硬」的人;某程度上,非常心軟。

在此要向同行的人,其實不過是我的細佬細妹等說句「唔好意思」,代那位冒失女職員說,也代辦事不力的我說。如果L君知道此事,一定破口大罵───不是罵我沒有責怪女職員,而是怪我:怎麼不乘機要她打折?就算是攞啲優惠都好呀!哈哈。

7 comments:

Chong Hiu-yeung (莊曉陽) said...

做得好,我支持你!我真係要叫呀林生快些同你結婚,你咁善良的品種,同我未來老婆一樣咁稀有,哈哈!

Alan CHOW said...

我哋撐你架,如果林生因為咁樣唔比錢就聲討佢!

田园树 said...

在内地说不好意思都是敷衍。

Anonymous said...

唉吖,我最近都遇到個旅行社極品sales姐姐

話說近日懷著興奮心情,去旅行社訂酒店機票自由行套餐,原本認為,呢類套票都係公價,不過循例都格下價。一格之下,竟發現同一間酒店和機票,旅行社A比另一間平成五百大元,當然是拿拿臨畀錢啦。

按sales姐姐的指示,用現金畀左機場稅,再碌卡畀其餘錢,sales姐姐指住張打印出來的收據解釋。忽然她收返張單細看,跟住道歉,話加錯數,尾數有少少唔啱,要取消張已碌的單,再碌過。

碌完第二次,她又畀我看張新的收據,睇睇下,她又道歉,話收多左我錢,因為機場稅我已付了現金,她忘記了,在碌卡時又加入總數中,所以要再次取消張單,重新碌卡。

盡責的sales姐姐,將第三次打印出來的新收據給我看,解釋說,你地係訂左四日三夜套票...我疑惑地問,唔係五日四夜咩?Sales 姐姐面色一白,諗左一陣,say sorry:唔好意思,記錯左,八月原來有三十一號,所以收少一晚錢。怪唔之得平過人啦,不過加返一晚,都係同其他旅行社差不多錢,算,我已經冇氣,非常溫馴地說,咁,你再取消張單,等我再碌過啦。

sales姐姐體貼地說,之前碌左兩次又取消左兩次,但銀行冇咁快處理到取消交易的要求,即是話,你現在的信用卡限額,已經碌左幾萬蚊卡數,我擔心再消取又再重新碌,會碌爆你張卡,不如我淨係碌你畀少左既差額啦?

最後,我懷著一張快要碌爆的信用卡,以及已經激爆的肺,步履躝跚地離開旅行社......

homan

DoA said...

得饒人處且饒人,聽起來有點吃虧,不夠精明,但我覺得能這樣很了不起。

大小姐 said...

chong,明明你以前都唔鼓勵人結婚,找到真愛你成個人變晒.哈

周生,好可惜當事人話絕對唔怕你既黑勢力囉.

田園村,希望姐姐唔係敷衍我,如果係我聽得出啩.

homan,如果我遇上你果件都好氣頂,

香港仔,咁你係咪讚緊我呢????

Anonymous said...

你抹黑我!!!