Friday, August 08, 2008

I'm not Ready

按了電視機的開關掣,想在一天工作後得到隨意的鬆馳。

我明白,奧運是國家大事,應提高關注,但總不成每個節目都是奧運奧運再奧運吧。

來了一個奧運的特輯,雞精式灌輸我們鳥巢是什麼水立方有多巴閉中國隊有哪幾個奪金希望;然後一連串廣告都圍繞奧運走。以為到了《勁歌金曲》可以抖抖氣,無論是否五音不全,聽聽新歌紓緩一下神經都算不錯,怎麼節目內容都要與奧運有關?問完阿sa泳兒奧運感想又要迫容祖兒EO2等說些祝賀奧運成功的說話?


        (tv buddy都是運動健將?)
                
轉個台,情況依舊。相關奧運的廣告排山倒海,連帶新聞都是一條接一條的奧運消息,奇就奇在未必看得出第一條與第二條奧運消息的分別。 這種迫我們ready奧運的氣氛實在令人窒息,無記自吹自擂的一句「我地就係奧運」,確實令人作嘔。

幾時我們變成了運動狂熱份子?一見Olympic 好像「上了身」?知道福娃有五個又如何?相信不知道奧環五色為何的人更多。過度進食都會消化不良;如果食物質素欠佳的話,倒胃都有之。未到8月8日已經想叫停,8月8日之後肯定有打爛電視機的衝動。

(殘奧的吉祥物,你見過沒有?)


喜歡看體操、看女排、看跳水的人,自然會看,用不著用太多口號與氛圍催谷我們get, set, go。一種非常表面的追捧奧運「熱情」,反映了一個非常現實的社會「偽裝」。如果這次奧運不是由中國這個米飯班主主辦,大家真的會ready嗎?

                    
在這虛偽的一天,反而想起了坦白的人。

0808,我會悼念敢於講出真正意見的人。在天上遙望島巢的開幕式,或者很美。剛好一年了,祝你愉快。

********

P.S.:

收到新書一本,還是要再多說聲謝謝。

11 comments:

葉七城 said...

「我地就係奧運」是近年來最差,又自以為懶有嘢的口號。

「我就係欠運」--這是形容我的。

Anonymous said...

這種疲勞轟炸實在令人吃不消。我已經可以想像評述員們一面倒傾斜、凡中國隊都隱惡揚善、毫不專業持平的旁白。

Anonymous said...

乜奧馬有吉祥物既咩?咁無聊!!係咪就係圖中呢隻"牛"?!我好似係D馬路邊見過佢,當時以為今年牛年所以佢企係度!不過諗深一層,今年好似係鼠年!

咁駛唔駛青島又整隻?仲有奧馬同隻牛既關係係...

2047 said...

堆填區電視機旁直擊
當大家看到李寧被吊起時,全人類都O晒嘴,好鬼「虎藏龍」lor
鏡頭未close up前,聽到有把聲音問:「個豬肉佬邊個?」
不過,我相信香港人都會支持李寧,至於李寧牌呢.....

《好康雜誌》 said...

轟炸原因有二:
媒體惡性跟風傳統+表愛國之心的良機.
ps其實個點火無乜大驚奇

mono said...

還番晨早新聞黎!!
今朝一開tv 又係方力甲...
(方生仲要舊料都可以講到錯鬼晒...)

返工前想望下本地新聞同世界另一邊發生緊 mug
唔係loop完又loop 既"珍貴"過氣奧運片段...gosh..

Alan CHOW said...

d 比賽其實好好睇(尤其受歡迎項目)!全部世界頂級運動員作賽,差極有限。四年一次兩星期轟炸,好合理!
不過d主持真係好廢(唔係指專業評述)!裝模作樣扮專業,比人靜吓啦!

Anonymous said...

究竟係費爾普斯(無記新聞),定係菲比斯(無記奧運節目)?點解同一間電視台,都可以有兩個譯名架?搞到我成日記錯佢叫菲臘普斯,幫我問下林生...

大小姐 said...

葉生,你句slogan笑死人...

ryan,豬肉佬都形容得好貼切.

好康kh,仲有一個原因係佢地漠視民意,哈

MONO,益左你啦,有D日子無無聊係大會堂條條FING,嘿

周生,唔介意佢播咁多賽事,有d我都有睇,但駛唔駛開幕前都疲勞轟炸,有時仲押後新聞報道成九個字,好離譜呀.

車,因為費爾普斯係內地叫法,無線新聞想做香港中央台啩....

大小姐 said...
This comment has been removed by the author.
Anonymous said...

原來隻牛係殘奧吉祥物...好似叫福牛,死未!